【民族貴乎自知】
It’s coming home嘅由來，看到英國人嘅心態
英格蘭險勝哥倫比亞，幾十年都未有咁接近個杯，同時打破踢十二碼必輸嘅宿命，英國同香港當然係既驚且喜。結果英國網絡上， #ThreeLions 同 #ItsComingHome 呢兩個tags不停出現。表面上係首主題曲同歌詞，但同時隱藏住好多意思。從中都幾代表英國人嗰種自知，自嘲，自信同自豪（大）嘅複雜民族性。嗱，進化咗嘅民族係有次序（唔亂得）嘅，先要有知，然後懂得自嘲，先至會自信或者自大！
Three Lions係咩，緊係唔洗我呢啲業餘球迷去解釋。除咗係個隊徽之外，亦係一首歌名。呢首歌係廿幾年前，英國主辨歐洲國家杯嘅其中一首唔係主題曲嘅冠軍歌。要留意嘅係，首歌絕對唔係群星隻手摸住個headphone，反晒眼好有mood咁唱嗰類主題曲。如果睇過MV同聽到嗰啲唱功，第一個感覺係好簡單同平民。廿年前用一次都唔夠，依家再重用。無知嗰啲緊係會話，堂堂一個過氣日不落帝國，文化歷史大國，現代足球發源地，啲國民竟然會淪落到鐘意一首咁嘅歌都算折墮。
其實歌詞就正正代表住英國人，對英格蘭呢隊波嘅睇法，我覺得亦係一種民族性嘅投射。Football’s Coming Home 不停重複，當中有兩個自大嘅含意。第一，英國係足球嘅屋企，就係等如話蹴鞠係足球咁自大，當年主辦歐國杯就係個波回家。第二個就係依家重用嘅原因，既然足球嘅來源係英國，而最威嘅世界杯幾十年前贏過，係時候每個大賽都贏番黎。
表面上好自大嘅主旋律，但其他大部份歌詞表明晒各樣嘅負能量。無創意足球，幾十年黎得個「近」字，比人當係笑話等等。就係將所有負面嘢講晒出黎，就明白英國人嗰種自知同自嘲特性。加上嗰種充滿double meaning同曲中有直嘅「語言藝術」，更加凸顯佢地嘅民族性。講到底首歌嘅總結並唔係It’s coming home，而係：”But I know they can play ‘cause I remember Three Lions on the shirt”!
所以一個民族自信係建構响自知上面，總好過...
MV傳送門： https://youtu.be/RJqimlFcJsM
#ThreeLions
#ItsComingHome
#自己知自己事
#個人都未必得
#何況整個國家
Search